Lýðheilsa, LÝÐ1B02

Lýsandi heiti áfanga: Æfingaskipulagsgerð og forvarnir
Framhaldsskólaeiningar: 2
Undanfari: Enginn

Lýsing á efni áfangans:
Bóklegi hlutinn: Farið verður nánar í æfingaskipulagsgerð fyrir þol og styrktarþjálfun. Nemendur eiga að gera æfingaprógramm sem framkvæmt er í ræktinni á Ólafsfirði og munu nemendur framkvæma það ca á 3ja vikna fresti.
Verklegi hlutinn: Kennslan fer að mestu fram inni í íþróttasal en einnig í ræktinni og svo þegar nær dregur vori verða kennslustundirnar einnig utandyra. Tímarnir verða fjölbreyttir þar sem farið verður í ýmsa leiki ásamt hinum ýmsu íþróttagreinum.

Lokamarkmið áfanga:
Nemandi skal hafa aflað sér almennrar þekkingar og skilnings á:

• æfingaáætlunargerð og þeim atriðum sem henni tengjast
• áhrifum vímuefna á heilsu og líkamlegt form

Nemandi skal hafa öðlast leikni í að:

• útbúa æfingaáætlun út frá markmiðum hvers og eins
• framkvæma áætlunina

Nemandi skal geta hagnýtt þá almennu þekkingu og leikni sem hann hefur aflað sér til að:

• setja upp skipulagða æfingaáætlun til skemmri og lengri tíma sem gerð er út frá raunhæfu markmiði/um

Námsmat:
Í áfanganum er leiðsagnarmat með símat alla önnina. Öll verkefni gilda til einkunnar. Nemendur þurfa einnig að standast mætingarkröfur áfangans.

Birt með fyrirvara um breytingar