Inngangur að náttúruvísindum - INÁ1A05

Lýsandi heiti áfanga: Inngangur að náttúruvísindum
Framhaldsskólaeiningar: 5
Undanfari: Enginn

Lýsing á efni áfangans:
Í áfanganum verður farið yfir grunnatriðin í þeim námsgreinum sem tengjast náttúruvísindum. Þessar greinar eru: líffærafræði, lífeðlisfræði, næringarfræði, auðlindafræði, eðlisfræði og efnafræði.

Lokamarkmið áfanga:
Nemandi skal hafa aflað sér almennrar þekkingar og skilnings á:

• grunnhugtökum næringarfræðinnar sem tengjast orku (hvað er orka, hvernig er hún reiknuð út og hver eru orkuefnin)
• grunngerð mannslíkamans með áherslu á líffærakerfi mannslíkamans
• hugtök og þróun auðlindafræði
• muninum á milli sjálfbærar og ósjálfbærar nýtingar auðlinda
• hreyfingu eftir beinni línu, hröðun og krafti
• uppbyggingu frumefna og lotukerfinu

Nemandi skal hafa öðlast leikni í að:

• reikna út orkugildi matvara og hlutfall orkuefnanna í matvörum
• geti útskýrt byggingu líkamans út frá líffærakerfunum
• útskýra hreyfingu efna yfir frumuhimnur
• geri greinarmun á endurnýjanlegum og óendurnýjanlegum auðlindum
• lesa í landslag og átta sig á hvaða innri og ytri öfl hafa verið að verki

Nemandi skal geta hagnýtt þá almennu þekkingu og leikni sem hann hefur aflað sér til að:

• meta orkumikil og orkulítil matvæli
• skilja hlutverk hinna ýmsu líffærakerfa og átta sig á helstu hugtökunum sem þeim tengjast
• skilja umræðu og hugtök tengd auðlindafræði
• reikna út hraða, hröðun og krafta sem verka á hluti

Námsmat:
Í áfanganum er viðhaft leiðsagnarmat með símati alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.

Birt með fyrirvara um breytingar