Enska - ENS2A05

Lýsandi heiti áfanga: Lestur, menning og skrif.
Framhaldsskólaeiningar: 5
Undanfari: Áfangi á 1. þrepi eða grunnskólapróf

Lýsing á efni áfangans:
Áfanginn miðar að því að nemendur verði læsir á flóknari texta en áður og að þeir þjálfist í að tileinka sér grunnorðaforða ýmissa fræðigreina. Nemendur skulu getað tjáð hugsun sína varðandi ólík efni í ræðu og riti og beita rökum. Áhersla er lögð á að nemendur þjálfi sjálfstæð vinnubrögð og tileinki sér árangursríka námstækni þar sem þeir nýta þau hjálpargögn sem aðgengileg eru með forritum, á vef eða í bókum.
Nemendur eflist í menningarvitund og kynnist ýmsum þáttum sem snerta menningu enskumælandi landa, sérstaklega Bretlands og Bandaríkjanna, þar sem fjallað verður bæði um venjur og siði sem eru ólíkir því sem gerist á Íslandi.
Undirstöðuatriði enskrar málfræði verða styrkt, sérstaklega þau atriði sem reynast íslenskum nemendum erfið, lesin verða bæði klassísk og ný bókmenntaverk ásamt lestri, hlustun og áhorfi á
fjölbreytt fréttatengt efni af neti.

Lokamarkmið áfanga:
Nemandi skal hafa aflað sér almennrar þekkingar og skilnings á:

• helstu menningarsvæðum þar sem tungumálið er notað sem móðurmál eða fyrsta mál í samanburði við Ísland og íslenska menningu
• ólíkum viðhorfum og gildum og hvernig þau móta menninguna í þeim löndum þar sem tungumálið er notað
• þverfaglegum orðaforða til markvissrar notkunar í námi á háskólastigi
• helstu málfræðiatriðum í enskri tungu
• rithefðum sem við eiga í textasmíð, m.a. um inngang með efnisyrðingu, meginmál með vel afmörkuðum efnisgreinum og niðurlag
• mismunandi afstöðu og túlkun bókmenntahöfunda og dýpri merkingu texta
• röksemdafærslu eigin skoðana miðað við efni sem farið hefur verið í í tímum

Nemandi skal hafa öðlast leikni í að:

• lesa fjölbreyttar gerðir texta, bæði fræðilega og bókmenntalega
• beita þeim lestraraðferðum sem við eiga eftir gerð texta eða viðfangsefnis
• greina og skilja málfarsmun á mismunandi málsvæðum, sérstaklega Bretlands og Bandaríkjanna
• tjá sig með skýrum hætti í ræðu eða riti um málefni sem hann hefur kynnt sér
• rita mismunandi gerðir texta, formlega og/eða óformlega
• beita viðeigandi hjálpargögnum við lestur og ritun ýmissa texta

Nemandi skal geta hagnýtt þá almennu þekkingu og leikni sem hann hefur aflað sér til að:

• skilja daglegt mál, svo sem samræður og fjölmiðlaefni, hvort sem hann þekkir umræðuefnið eða ekki
• tileinka sér efni/inntak margvíslegra texta og geta hagnýtt sér á mismunandi hátt
• taka þátt í skoðanaskiptum, færa rök fyrir máli sínu og svara mótbárum og gagnrökum á viðeigandi hátt
• tjá sig skýrt, lipurlega og blaðalaust fyrir áheyrendum um sérvalið efni sem hann hefur kynnt sér
• skrifa formlegan og óformlegan texta og beita rithefðum sem við eiga í textasmíð
• nýta nýjan orðaforða í ræðu og riti

Námsmat:
Í áfanganum er leiðsagnarmat með símati alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.

Birt með fyrirvara um breytingar