Vetraríþróttir - LÝÐ2V02

Lýsandi heiti áfanga: Vetraríþróttir
Framhaldsskólaeiningar: 2
Undanfari: Enginn

Lýsing á efni áfangans:
Áfanginn samanstendur eingöngu af verklegri kennslu m.a. gönguskíðum, svigskíðum, fjallgöngu og annarri útiveru. Í áfanganum er lögð áhersla á fjölbreytta hreyfingu og fræðslu um þætti sem íþróttamenn þurfa að hafa í huga þegar þeir stunda vetraríþróttir.

Lokamarkmið áfanga:
Nemandi skal hafa aflað sér almennrar þekkingar og skilnings á:

• mikilvægi hreyfingar fyrir heilsuna
• fjölbreyttum möguleikum til útiveru yfir vetrartímann
• búnaði sem þarf að hafa til að stunda ýmisskonar vetraríþróttir

Nemandi skal hafa öðlast leikni í að:

• iðka fjölbreyttar vetraríþróttir
• klæða sig eftir veðri
• að það sé hægt að stunda fjallamennsku að vetri til eins og að sumri
• þekkja takmörk sín í mismunandi veðri

Nemandi skal geta hagnýtt þá almennu þekkingu og leikni sem hann hefur aflað sér til að:

• stunda óhefðbundnar íþróttir
• geta nýtt sér vetraraðstæður til líkamsræktar og heilbrigðra lífshátta s.s. göngu- og svigskíðaferðir